საქართველოს შინაგან საქმეთა სამინისტროში "სპეციალური ოპერატიული დეპარტამენტი" შეიქმნა 2004 წლის 30 დეკემბერს.
სპეციალური ოპერატიული დეპარტამენტის ძირითადი ამოცანაა თავისუფლების უკანონო აღკვეთის, ტრეფიკინგისა უკანონო მიგრაციის, ნარკომანიისა და საერთაშორისო ნარკობიზნესის, იარაღითა და მისი კომპონენტებით უკანონო ვაჭრობის წინააღმდეგ ბრძოლა, თავისი კომპეტენციის ფარგლებში სახელმწიფო უსაფრთხოების, საზოგადოებრივი უშიშროების და წესრიგის წინააღმდეგ მიმართულ ცალკეულ დანაშაულთა გამოვლენა, თავიდან აცილება და აღკვეთა, ძებნის ფუნქციის განხორციელება და დეპარტამენტის საბრძოლო ძალით უზრუნველყოფა.
სს "სოდ"-ი შედგება დანაყოფებისაგნ, რომელთა მეშვეობითაც იგი ახორციელბს მასზე დაკისრებული მოვალეობების განუხრელ შესრულებას. ეს დანაყოფებია:
"ორგანიზაციული და რეგიონალური დანაყოფების მართვის მთავარი სამმართველო", რომელიც უზრუნველყოფს დეპარტამენტის საკადრო და ორგანიზაციულ საკითხთა გადაწყვეტას, ახორციელებს უკანონო ბრუნვიდან ამოღებულ ნარკოტიკული ნივთიერებების მიღებას, შემოსული ინფორმაციის ანალიტიკურ დამუშავებას და კოორდინაციას უწევს "სოდ"-ის რეგიონალური დანაყოფების საქმიანობას.
"ნარკოტიკების უკანონო ბრუნვასთან, ტრეფიკინგთან და უკანონო მიგრაციასთან ბრძოლის მთავარი სამმართველო", რომელიც თავისი კომპეტენციის ფარგლებში ახორციელბს საქართველოს სისხლის სამართლის კოდექსით გათვალისწინებული ნარკოტიკული დანაშაულის გამოვლენას, გახსნას, თავიდან აცილებას და აღკვეთას; ასევე აწარმოებს იმ დანაშაულებრივი დაჯგუფებებისა და ცალკეულ პირთა გამოვლენას, რომლებიც ეწევიან "ადამიანით ვაჭრობას" - ტრეფიკინგს და არალეგალურ მიგრაციას.
"ორგანიზებულ დანაშაულთან ბრძოლისა და სპეციალურ დავალებათა მთვარი სამმართველო", რომელიც ახორცილებს ბრძოლას ორგანიზებული დაჯგუფებებისა და მათ მიერ ჩადენილი დანაშაულების წინააღმდეგ, აგრეთვე აწარმოებს იმ პირთა ძებნას და შესაბამის ორგანოებში წარდგენას, რომლებიც ემალებიან გამოძიებას, სასამართლოს ან თავს არიდებენ სასამართლოს მიერ დანიშნულ სასჯელს.
|
